Aygün Kazımova: Dəyişmək mənim həyat tərzimdir - VİDEO
Aygün Kazımova: Dəyişmək mənim həyat tərzimdir - VİDEO
Bu il mənim üçün çox uğurlu keçdi. Çox sayda layihələrim oldu. Sənətçiyə də nə lazımdır? Xüsusən mənim kimi bir sənətçiyə.
Bu sözləri Xalq artisti Aygün Kazımova Oxu.Az-ın əməkdaşı ilə söhbətində deyib.
Sənətçi “siçan ili” üçün olan gözləntilərindən danışıb:
“2020-ci ildən xoş sürprizlər gözləyirəm. Planlarımın həyata keçməyini arzulayıram”.
“2020-də tamaşaçılar Aygün Kazımovadan konsert gözləsinlər” şərhinə pop ulduz bu cür reaksiya verib:
“Bizi hər zaman, hər şey gözləyir”.
Geyim-keçiminə hər zaman diqqətlə yanaşan xalq artisti bir imicdə qalmağı sevmədiyini və dəyişikliklərə hər an hazır olduğunu bildirib:
“Saçlarımın rəngini dəyişib, sarıya boyadım. Dəyişilmək mənim həyat tərzimdir. Tez-tez dəyişilirəm və bununla da özümü xoşbəxt hiss edirəm”.
Müsahibəsinin sonunda Xalq artisti Aygün Kazımova Oxu.Az-ın oxucularını Yeni il münasibəti ilə təbrik edib, arzularını dilə gətirdi:
“Oxu.Az-ın bütün oxucularını Dünya azərbaycanlılarının həmrəylik günü və yeni 2020-ci il münasibəti ilə ürəkdən təbrik edirəm. Yeni iliniz uğurlu olsun!
Rəşad Əliyev