İşçiləri Kim Kardaşyanı məhkəməyə verdi: Nahar etməyə qoymayıb

Kim Kardaşyanın bağında işləyən və ev təsərrüfatı ilə məşğul olan yeddi nəfər onu məhkəməyə verib.

Bu barədə “Daily Mail” xəbər verib.

İşçilərin sözlərinə görə, Kardaşyan onların maaşının 10 faizini vergi adı ilə tutsa da, həmin pulları dövlətə ödəməyib, əlavə işlədikləri saatların pulunu verməyib, bəzən isə onları nahar etməyə qoymadan işlədib.

Hazırda Endryu Ramirez, qardaşı Kristofer Ramirez və oğlu Kiçik Endryu Ramirez, həmçinin Arono Kabrea, Rene Ernesto Florez, Cessi Fernandez, Robert Araiza maaşlarının çatışmayan hissəsini və əlavə işlədikləri saatlar üçün təzminat tələb edirlər.