Əməkdar artist: “Ölüm ayağında olsam da, gələrəm”

“Çox qəribədir, uzaqdan, yaxından çox tanıdıqlarım var. Çox nadir insanlar var ki, onun qədər ona güvənir, inanıram. Bunun üçün xüsusi zəhmətə ehtiyac yoxdur, məncə. Yetər ki, olduğun kimi qalasan. İlk tanıdığım gündən o qədər sevdim ki... Sanki illərnən görmədiyim, çox uzaqlarda yaşayan, ancaq ürəyi, diqqəti, sevgisi mənimlə olan doğma bacımdın”.

Axşam.az xəbər verir ki, bu sözləri Əməkdar artist Aybəniz Haşımova Əməkdar artist Dilarə Əliyeva ilə bağlı paylaşımında yazıb. Müğənni mərhum prodüser Oqtay Əliyevin ölüm indönümü ilə bağlı paylaşımında bunları yazıb: 

"Heç unutmaram ayağım tutulmuşdu, zəng vurdun ki, bir zəng qədər yanındayam. Bir biləydin o sözün mənə necə dərman oldu. Deyəcəksən, bu Aybəniz hara yoxa çıxıb neçə aydı. İnşallah, görüşəndə deyəcəyəm. Nə olur olsun, dünya tərsinə dönsə də bilin ki, ölüm ayağında da olsam, bilsəm sənə gərəyəm, gələrəm mənim dünya gözəli bacım. Bu gün, Oqtay Əliyevin sənsiz yaşadığı ömrün birinci ildönümüdür. Ruhu şad olsun. Allah yerini behişt etsin. Övladlarına ruhu duaçı olsun. Səni isə Allah heç kimə möhtac etməsin. Bu yeni bahar fəsli xoş günlər nəsib etsin ömrünə. Allahın verdiyi bu ömür imtahanında hər zaman qalib dayanasan”.