Bu ilin ilk yarısında qidadan zəhərlənənlərin sayı açıqlanıb

2017-ci ilin 6 ayı ərzində 188 qida zəhərlənməsi hadisəsi baş verib, nəticədə  285 nəfər zərər çəkib.

Oxu.Az xəbər verir ki,bu barədə APA-ya Səhiyyə Nazirliyinin mətbuat xidmətindən  məlumat verilib.

11 botulizm hadisəsi nəticəsində zərərçəkənlərin sayı 21 nəfər olub.

Cari dövr ərzində orqanoleptik və fiziki-kimyəvi göstəricilərinə görə 1637, mikrobioloji göstəricilərinə görə 1648, radioloji göstəricilərinə görə 748, toksikoloji göstəricilərinə görə 714 yeyinti məhsulları nümunələri laboratoriya müayinələrinə cəlb olunub. Nümunələrin 122-də mikrobioloji göstəricilərə görə, 10-da toksikoloji göstəricilərə görə normadan kənara çıxma müəyyən olunub.

İ.F.

www.oxu.az