İranlı qadın Azərbaycana şarın içində narkotik keçirmək istədi - VİDEO
İranlı qadın Azərbaycana şarın içində narkotik keçirmək istədi - VİDEO
Dövlət Gömrük Komitəsi Əməliyyat İstintaq Baş İdarəsinin Əməliyyat İdarəsinə İran vətəndaşı Mahdioghli Roghayeh Hasan qızının Azərbaycan ərazisinə narkotik vasitə gətirməsi barədə əməliyyat məlumatı daxil olub.
DGK-dan Oxu.Az-a verilən məlumata görə, Cənub Ərazi Baş Gömrük İdarəsi Astara gömrük postunun gömrük nəzarət zonasında vətəndaşın üzərinə və əl yüklərinə baxış keçirilib.
Baxış zamanı vətəndaşa məxsus içərisində şəxsi əşyalar olan yük çantasında, bir
ədəd sellofan torbanın içərisində müxtəlif rəngli şarlara bükülmüş 10 ədəd yumru
formalı bağlama aşkar olunub.
Həmin bağlamalar açılıb və hər bir bağlamanın içərisində açıq qəhvəyi rəngli, ümumi çəkisi 555 qram olan narkotik vasitə - heroin aşkarlanıb.
Faktla bağlı araşdırma aparılır.
Oxu.Az yeniləndi!