Azərbaycanlılar Türkiyə vətəndaşını oğurladılar

Ukraynanın Lvov vilayətində iki nəfər Azərbaycan vətəndaşı saxlanılıb. Onlar Türkiyə vətəndaşını oğurlamaqda və onun əvəzində 100 min dollar pul tələb etməkdə ittiham olunurlar. 

Oxu.Az Regnum.ru-ya istinadla xəbər verir ki, bununla bağlı yerli polis idarəsi məlumat yayıb. 

Naməlum şəxslər silahla təhdid edərək, kişini avtomobilə mindirib və naməlum istiqamətə aparıblar. Daha sonra cinayətkarlar həmin şəxsin qohumlarından pul tələb edib. 

“Oğurlanmış şəxs azad edilib, həyati təhlükəsi və sağlamlıqla bağlı problemləri yoxdur. 40 yaşlı türkiyəlini oğurlayan şəxslərin 26 və 27 yaşlı azərbaycanlılar olduğu müəyyən edilib. Onlar həbs olunub”, - Lvov polis idarəsinin rəhbəri Valeri Sereda məlumat verib.

www.oxu.az

Oxu.Az yeniləndi!

ANDROID əməliyyat sistemli smartfonlar

iOS əməliyyat sistemli smartfonlar