Bakıda parkomatlar sökülür - VİDEO

Artıq paytaxtdakı parkomatların söküntüsünə başlanılıb. Söküntü şəhər ərazisindəki müxtəlif küçə və prospektlərdə həyata keçirilib.

Oxu.Az-ın “Xəzər” TV-yə istinadən məlumatına görə, parklanma nəzarətçilərinə bir neçə gün əvvəl Bakı Şəhər İcra Hakimiyyətinin Xüsusi Təyinatlı Avtonəqliyyat İdarəsi tərəfindən möhürlü vəsiqələr verilib.

Onlar parkomatların hansı qurum tərəfindən söküldüyünü bilmədiklərini deyirlər.

Parkomatların hansı qurum tərəfindən söküldüyünü öyrənmək cəhdimiz isə baş tutmadı . Bakı Şəhər İcra Hakimiyyətindən bildirilib ki, parkomatlar və onlarla bağlı bütün səlahiyyətlər ötən ilin aprel ayından qurumun tabeliyindən alınaraq Bakı Nəqliyyat Agentliyinə verilib. Bu səbəbdən də söküntü işlərindən xəbərsizdirlər.