Sabah dərs olacaq?

Respublika ərazisində altı günlük tədris sistemi olan məktəblərdə sabah dərslər keçiriləcək.

Bu barədə Oxu.Az-a Təhsil Nazirliyindən məlumat verilib.

Məlumatda qeyd edilib ki, təhsil naziri Ceyhun Bayramovun “Təhsil müəssisələrində təlim-tərbiyə prosesinin dayandırılması barədə” əmri 17-18 yanvar tarixlərinə aiddir. 

Qalan günlərdə təhsil müəssisələrində tədris adi qaydada davam etdiriləcək.

Oxu: Hava şəraiti ilə əlaqədar təhsil müəssisələrində iki gün tətil elan olundu

Qeyd edək ki, Ceyhun Bayramov Nazirlər Kabinetinin 2019-cu il 16 yanvar tarixli sərəncamının icrasını təmin etmək məqsədilə “Təhsil müəssisələrində təlim-tərbiyə prosesinin dayandırılması barədə” əmr imzalayıb.

Əmrə əsasən, hava şəraitinin kəskin pisləşəcəyi ilə əlaqədar olaraq 2019-cu il yanvarın 17-si və 18-i ölkə ərazisində fəaliyyət göstərən bütün təhsil müəssisələrində təlim-tərbiyə prosesi dayandırılıb.

İlhamə Əbülfət