Sumqayıtda avtobus binaya çırpıldı, onlarla yaralı var

Sumqayıt şəhərində ağır yol-nəqliyyat hadisəsi baş verib.

Bu barədə Oxu.Az-a hadisə şahidi məlumat verib.

Onun sözlərinə görə, 30 nömrəli sərnişin avtobusunun sürücüsü idarəetməni itirib və nəqliyyat vasitəsini yaşayış binasına çırpıb.

Hadisə nəticəsində 30-dan çox sərnişinin yaralandığı, onlardan 10-nun vəziyyətinin ağır olduğu qeyd edilir.

Faktla bağlı araşdırma aparılır.