Balakənə dolu yağıb

Bu gün saat 20.00-a olan məlumata əsasən Quba, Göygöl, Gəncəyə yağış yağıb.

Bunu Oxu.Az-a Ekologiya və Təbii Sərvətlər Nazirliyinin Milli Hidrometeorologiya Departamentinin direktoru Umayra Tağıyeva bildirib.

Onun sözlərinə görə Daşkəsən, Naxçıvan, Lənkəran, Astara,Yardımlı, Biləsuvar, Şamaxıda şimşək çaxıb: 

“Saat 22:00-a olan məlumata görə, Zaqatalada güclü leysan yağışı müşahidə olunur. Buna görə də çaylarda sululuğun artacağı proqnozlaşdırılır.

Eyni zamanda bəzi rayonlarda bu proses küləyin güclənməsi ilə müşahidə  olunur. Saat 20:02-dən 20.07-dək Balakəndə dolu qeydə alınıb. Dolunun diametri 24 mm təşkil edir”.