Bərdədə yük maşını partladı: iki uşaq yaralandı - FOTO

Bərdədə iki yük maşınının toqquşması nəticəsində partlayış baş verib.

Oxu.Az-ın bölgə müxbirinin verdiyi məlumata görə, hadisə rayonun Alpout kəndində qeydə alınıb.

İki “Qazel” markalı yük maşınının toqquşması nəticəsində yük maşınlarından birinin yanacaq çənində partlayış baş verib.

Hadisə zamanı üç nəfər müxtəlif dərəcəli bədən xəsarətləri alıb. Yaralılar ətrafda olan insanların köməyi ilə Bərdə Rayon Mərkəzi Xəstəxanasına yerləşdirilib. Yaralılardan ikisinin azyaşlı uşaq olduğu bildirilir.

Fakt bağlı araşdırma aparılır.