Tovuzda ev külə döndü - VİDEO

Tovuzda evdə yanğın olub.

Oxu.Az-ın bölgə müxbirinin məlumatına görə, hadisə bu gün rayonun Bayramlı kəndində qeydə alınıb.

Tovuz rayon Bayramlı kənd sakini Aslanova Flora Kərim qızına məxsus, ümumi sahəsi 200 m² olan iki mərtəbəli, altı otaqlı və bir aynabənddən ibarət ev yanıb.

Qeyd edək ki, birinci mərtəbəsində bir otağın yanar konstruksiyaları 40 m² sahədə, ikinci mərtəbədə üç otağın yanar konsturuksiyaları və dam örtüyü 80 m² sahədə yanıb

Yanğın söndürülüb. Hadisə zamanı xəsarət alan olmayıb.

Hadisəyə səbəb elektrikdə yaranan qısa qapanma olub.

Faktla bağlı araşdırma aparılır.

Nazir Quliyev