İki avtomobil toqquşdu, biri aşdı: yaralılar var - VİDEO

Dünən axşam saatlarında Bakının Heydər Əliyev prospektində yol-nəqliyyat hadisəsi baş verib.

Oxu.Az-ın məlumatına görə, qəza zamanı iki minik maşını toqquşub, bir avtomobil aşıb.

Hər iki avtomobilin sürücüsü və sərnişinləri xəsarət alıb. Aşan avtomobildə sıxılmış vəziyyətdə qalan sərnişin polis əməkdaşlarının və ətrafdakı insanların köməyi ilə maşından çıxarılıb.

Baş vermiş qəza nəticəsində prospektdə tıxac yaranıb. Əraziyə polis və təcili tibbi yardım əməkdaşları cəlb edilib.