Vilayət Eyvazovdan Sumqayıt Şəhər Polis İdarəsinə yeni TƏYİNAT

Sumqayıt Şəhər Polis İdarəsində yeni təyinat olub. 

Oxu.Az “Qaynarinfo”ya istinadən xəbər verir ki, bu barədə Daxili İşlər naziri general-polkovnik Vilayət Eyvazov müvafiq əmr imzalayıb. 

Əmrə əsasən, polis polkovnik-leytenantı Həsənov Hüseyn Süleyman oğlu Sumqayıt Şəhər Polis İdarəsinin rəis müavini təyin edilib.  

Bu vəzifəyə qədər isə o, idarənin İctimai Təhlükəsizlik Şöbəsinin rəisi vəzifəsində çalışıb. 

Məlumatı Sumqayıt Şəhər Polis İdarəsindən təsdiqləyiblər.