Rusiyada Böyük Vətən Müharibəsində həlak olmuş azərbaycanlı əsgərin nəşi təkrar dəfn edilib
Rusiyada Böyük Vətən Müharibəsində həlak olmuş azərbaycanlı əsgərin nəşi təkrar dəfn edilib
Ötən gün Rusiyanın Bryansk mərkəzi qəbiristanlığında azərbaycanlı hərbçi, “Qırmızı Bayraq” ordeni mükafatçısı Böyük Ağa Nuxi oğlu Mehdiyevin nəşinin dəfn edilməsi üçün təntənəli mərasim keçirilib.
Oxu.Az-ın xəbərinə görə, o, Bryansk Cəbhəsi 50-ci ordusunun 413-cü Piyada Diviziyasının əsgəri olub.
Dəfn mərasimində Bryansk vilayətinin qubernatorunun müavini Aleksandr Korobko, vilayət Dumasının deputatı Lüdmila Juravleva, “Azərbaycanlılar Konqresi” Bryansk regional ictimai təşkilatının sədri Xəlilov Yusif Sayyaf oğlu və Moskvadan gələn qonaqlar iştirak ediblər.
Qırmızı Ordu əsgəri ilə vidalaşmaq üçün üç qardaşı oğlu da gəlib. Anma tədbirində onlara qəhrəmanın Qırmızı Bayraq ordeni verilib.
Əsgərin qalıqları Roqnedinski rayonu ərazisindəki kəşfiyyat işləri zamanı keçmiş “Enerji” kolxozunun ərazisində aşkar edilib.
Günel Murad