Apr
2020
16:17
426
141
2987
Virtual karabakh

Xızıda polislər imkansız ailələrə ərzaq yardımı edib - FOTO

Xızıda polis əməkdaşları aztəminatlı ailələrə ərzaq yardımı edib.

Bu barədə Oxu.Az-a DİN-in Mətbuat Xidmətinin Quba regional qrupundan məlumat verilib.

Məlumatda qeyd olunub ki, Xızı Rayon Polis Şöbəsinin (RPŞ) əməkdaşları ölkə ərazisində həyata keçirilən “Evdə qal” aksiyasına qoşularaq, rayon ərazisində yaşayan və maddi cəhətdən imkanı zəif olan yaşlı insanlara dəstək olublar.

RPŞ-nin əməkdaşları qonağı olduqları evlərdə yaşlı rayon sakinləri ilə səmimi söhbətlər apararaq, onları maraqlandıran sualları cavablandırıblar. Hər bir ailəyə ərzaq yardımı edən polislər, onlara vətəndaşlarımızın sağlamlıqlarının təmin olunması istiqamətində ölkə rəhbərliyi tərəfindən həyata keçirilən tədbirlər barədə məlumat veriblər.

Yaşlı rayon sakinləri xüsusi karantin rejiminin tətbiq olunduğu bu günlərdə onları unutmayan və qayğılarına qalan Azərbaycan polisinə minnətdar olduqlarını bildiriblər.

Bizimlə əlaqə saxlayın

Digər Cəmiyyət xəbərləri