Azərbaycanda ayı parçaladığı deyilən uşaq təcavüzə uğrayıb? - YENİLƏNİB + VİDEO

Oğuzun Xaçmaz kəndində meyiti tapılan 12 yaşlı oğlana təcavüz edilməsi barədə iddia yayılıb.

Bildirilir ki, oğlan suvarma üçün arxa su qoymağa gedərkən gənc kişi tərəfindən zorakılığa məruz qalıb. İddia olunur ki, saxlanılan var.

Daxili İşlər Nazirliyi məsələyə münasibət bildirib.

DİN-in Mətbuat Xidmətinin rəisi Ehsan Zahidov Oxu.Az-ın sorğusuna cavab olaraq deyib ki, məsələ ilə bağlı ilkin ekspertiza rəyi var:

“Uşaq vəhşi heyvanın hücumuna məruz qalıb”.

E.Zahidov söyləyib ki, uşağın təcavüzə məruz qalması və kiminsə saxlanılması barədə məlumatlar yalandır.

10:07

Oğuzda itkin düşən oğlanın meyiti tapılıb. Onu ayının parçaladığı ehtimal olunur.

Oxu.Az-ın məlumatına görə, 2008-ci il təvəllüdlü Cəbrayıl Vüsal oğlu Məmmədlinin meyiti meşəlik ərazidə aşkarlanıb.

Hüquq-mühafizə orqanlarının əməkdaşları meyitin tapıldığı əraziyə yollanıb.

İlhamə Əbülfət

08:45

Mayın 21-də Oğuz rayonunun Xaçmaz kəndində 13 yaşlı yeniyetmə itkin düşüb. 

APA-nın məlumatına görə, kənd sakini, 2007-ci il təvəllüdlü Cəbrayıl Vüsal oğlu Məmmədov bostan sahəsini suvarmaq üçün ərazidən keçən çay sahilinə gedib və bir daha geri qayıtmayıb. 

Hadisə ilə bağlı polisə məlumat verilib. Hazırda onun tapılması istiqamətində axtarış tədbirləri aparılır.