Cəlilabadda avtomobil velosiped sürən dörd yaşlı uşağı vurub öldürdü

Cəlilabadda velosiped sürən dörd yaşlı uşaq avtomobillə vurulub.

Bununla bağlı Daxili İşlər Nazirliyinin Mətbuat xidməti məlumat yayıb.

Bildirilib ki, iyulun 13-də saat 16 radələrində Cəlilabad rayonunun Sabirabad kəndində yerli sakin M.Məmmədov idarə etdiyi “Mercedes” markalı avtomobillə yolun kənarı ilə velosiped sürən dörd yaşlı Yusif Məmmədovu vurub.

Uşaq xəstəxanaya aparılarkən yolda həyatını itirib.

Faktla bağlı Cəlilabad Rayon Polis Şöbəsi tərəfindən araşdırma aparılır.