Bakı-Xırdalan-Sumqayıt qatarında sərnişin sıxlığı məsələsinə RƏSMİ CAVAB
Bakı-Xırdalan-Sumqayıt qatarında sərnişin sıxlığı məsələsinə RƏSMİ CAVAB
“Azərbaycan Dəmir Yolları” QSC-nin “Stadler” şirkətinə məxsus doqquz sərnişindaşıma qatarı var. Bu qatarlar həm regionlara, həm də Abşeron dairəsi üzrə hərəkət edir”.
Oxu.Az xəbər verir ki, bu barədə “Azərbaycan Dəmir Yolları” QSC mətbuat xidmətinin rəisi Natəvan Bayramova ötən gün Bakı-Xırdalan-Sumqayıt qatarında sərnişin sıxlığı ilə bağlı məsələyə münasibət bildirərkən məlumat verib.
O bildirib ki, qatarların hər biri sərnişinlə dolu gedir:
“Bilirsiniz ki, hazırda Gəncə istiqamətində sərnişin qatarının fəaliyyəti dayanıb, Abşeron dairəsi üzrə isə qatarlar fəaliyyət göstərir. Bu dönəmdə Bakı-Xırdalan-Sumqayıt qatarını işə salandan sonra gördük ki, bu istiqamətdə tələbat gözlədiyimizdən çox oldu.
Buna görə də Gəncə istiqamətinə buraxılan qatarlardan birini Bakı-Xırdalan-Sumqayıt istiqamətinə verdik. Bu müvəqqətidir, gələcəkdə rayonlara reyslər açıldıqdan sonra bu məsələyə baxılacaq”.
Könül Cəfərli