Bakıda yük avtomobili karantin postuna çırpıldı

Bakı şəhərinin Qaradağ rayonu, Ələt qəsəbəsində “Shacman” markalı yük avtomobilin yol kənarındakı karantin postuna çırpılıb.

Fövqəladə Hallar Nazirliyindən (FHN) verilən məlumata görə, nazirliyin “112” qaynar telefon xəttinə bu barədə məlumat daxil olub.

Hadisə yerinə cəlb olunan Xüsusi Riskli Xilasetmə Xidmətinin müvafiq xilasetmə qüvvələri tərəfindən sıxılı vəziyyətdə qalan bir nəfər deformasiyaya uğrayan nəqliyyat vasitəsindən çıxarılıb və aidiyyəti üzrə təhvil verilib.