Bakıda yük maşını qəzaya düşüb, bir nəfər xəsarət alıb

Bakıda yük maşını qəzaya düşüb.

Bu barədə Fövqəladə Hallar Nazirliyi (FHN) məlumat yayıb.

Hadisə Qaradağ rayonu, Ələt qəsəbəsinin ərazisində baş verib. “Shacman” markalı yük avtomobili yol kənarındakı dirəyə çırpılıb.

Hadisə yerinə cəlb olunan FHN-in Xüsusi Riskli Xilasetmə Xidmətinin müvafiq xilasetmə qüvvələri sıxılı vəziyyətdə qalan 1 nəfəri deformasiyaya uğrayan nəqliyyat vasitəsindən çıxararaq aidiyyəti üzrə təhvil veriblər.