Azərbaycanda polis arvadını şöbədə güllələyərək öldürdü - YENİLƏNİB + FOTO

Bakıda polis əməkdaşının arvadını bölmədə güllələyərək öldürdüyü yerdən ilk şəkillər paylaşılıb. 

Şəkillərdən yüksək rütbəli polis əməkdaşlarının hadisə yerində olduğu görünür. 

Mənbə: Trend

10:15

Azərbaycanda polis arvadını qətlə yetirib. 

Bu barədə Daxili İşlər Nazirliyinin Mətbuat Xidmətindən məlumat verilib. 

Belə ki, bu gün səhər saat 9 radələrində Nizami Rayon Polis İdarəsinin Post Patrul Xidmətinin əməkdaşı, polis nəfəri İsmayıl Məmmədov xidmətdə olarkən həyat yoldaşı Xanım Məmmədovanın ailə münaqişəsi zəminində ondan 24-cü Polis Şöbəsinə şikayətə gəldiyi barədə məlumat alır.

O, dərhal şöbəyə gəlib və üzərində olan xidməti silahdan atəş açaraq X.Məmmədovanı orada qətlə yetirib.

İ.Məmmədov saxlanılıb. Faktla əlaqədar rayon prokurorluğunda cinayət işi başlanılıb, istintaq aparılır.