Bakıda ağaclar kəsilərək obyekt tikilir? - YENİLƏNİB + FOTO

Ekologiya və Təbii Sərvətlər Nazirliyi Xətai rayonu ərazisində ağacların kəsildiyi ilə bağlı yayılan məlumatlara münasibət bildirib.

Dövlət Ekoloji Təhlükəsizlik Xidmətinin rəsmisi Vaqif Cavadov Xətai rayonu, Seyid Əzim Şirvani küçəsi 1 ünvanında ağacların kəsilməsi ilə bağlı Oxu.Az-ın sorğusuna cavab olaraq bildirib ki, əraziyə baxış keçirilib və “fakt təsdiqini tapmayıb”.

O qeyd edib ki, sözügedən ünvanda 2015-ci ildə tikinti işlərinə başlanılsa da, sənədlər qanuna müvafiq olmadığı üçün tikinti Bakı Şəhər İcra Hakimiyyəti, Şəhərsalma və Arxitektura Komitəsi tərəfindən dayandırılıb. Ərazidə ağac kəsintisi faktı aşkar edilməyib.

İlhamə Əbülfət

12:08

Xətai rayonu ərazisində ağacların kəsildiyi bildirilir.

Bununla bağlı sosial şəbəkələrdə məlumat paylaşılıb.

Bildirilib ki, Xətai rayonu, Seyid Əzim Şirvani küçəsi 1 ünvanında sakinlərin istirahət etdiyi yaşayış binasının həyətində ağaclar kəsilərək obyekt tikilir.

Sakinlər ağacların kəsilərək uşaqların oynaması və sakinlərin, xüsusilə qocaların dincəlməsi üçün nəzərdə tutulmuş yerdə obyekt tikilməsindən narazıdırlar.