Magistral xətdə qəza: Bir qəsəbə və 34 kənddə qaz təchizatı DAYANDIRILDI

Zərdab rayonunun qaz təchizatı müvəqqəti dayandırıldı.

Bu barədə “Azəriqaz” İB məlumat yayıb.

Bildirilib ki, “Qaz İxrac” İdarəsi tərəfindən verilən məlumata əsasən, traktor “Ucar-Zərdab” yüksək təzyiqli magistral qaz kəmərini zədələyib.

Yaranmış güclü qaz sızması səbəbindən bu gün saat 13:00-dan işlər başa çatanadək Zərdab rayonunun (tam olaraq şəhər daxil olmaqla 1 qəsəbə, 34 kəndində) qaz təchizatı dayandırılıb.

“Azəriqaz” müvəqqəti narahatçılığa görə abonentlərdən üzr istəyir.