Helikopter qəzasında həlak olan DSX zabiti Beyləqanda torpağa tapşırıldı - YENİLƏNİB + FOTO/VİDEO

Dövlət Sərhəd Xidmətinin helikopterin qəzaya uğraması nəticəsində həlak olan hərbi qulluqçulardan biri - baş leytenant Fərid Nağıyev dəfn edilib.

“Report”un məlumatına görə, F.Nağıyevin nəşi Beyləqan Şəhidlər xiyabanında torpağa tapşırılıb.

Mərasimdə dövlət rəsmiləri, mərhumun ailə üzvləri, yaxınları və ictimaiyyət nümayəndələri iştirak ediblər.

1:34

Dövlət Sərhəd Xidmətinin helikopterinin qəzaya uğraması nəticəsində həlak olan hərbi qulluqçulardan biri, baş leytenant Fərid Nağıyevin cənazəsi onun doğulduğu Beyləqan rayonunun Şərq kəndinə gətirilib.

APA-nın xəbərinə görə, şəhidin cənazəsi kənd meydanına aparılıb, burada cənazə namazı qılınıb.

Qeyd edək ki, şəhid pilot Fərid Təyyar oğlu Nağıyev Beyləqan şəhərindəki Şəhidlər xiyabanında dəfn ediləcək.