Lökbatanda ağciyərlərə oksigen yerinə kanalizasiya qoxusu dolur - VİDEO
Lökbatanda ağciyərlərə oksigen yerinə kanalizasiya qoxusu dolur - VİDEO
Lökbatanda kanalizasiya qoxusu nəfəs almağa imkan vermir.
Bu barədə Oxu.Az-ın redaksiyasına ərazidə yaşayan sakinlər tərəfindən müraciət daxil olub.
Bildirilib ki, söhbət Lökbatanda Bilal Niftəliyev küçəsindən, 10-cu Polis Bölməsinin qarşısından gedir.
Sakinlər iddia edirlər ki, bütün günü kanalizasiya suları bu vəziyyətdə küçəyə axır:
“Üfunət qoxusundan dayanmaq olmur. Aidiyyəti qurumlar isə məsələnin həlli üçün heç bir tədbir görmür. Neçə dəfə “Azərsu” ASC-yə, ərazi üzrə MKİS və icra hakimiyyətinə müraciət etsək də, sakinlərin şikayətinə baxan yoxdur”.
Məsələ ilə bağlı “Azərsu” ASC-dən Oxu.Az-ın sorğusuna cavab olaraq bildirilib ki, sözügedən ərazidə kanalizasiya xəttində axıntı qeydə alınıb:
“Əraziyə qurum əməkdaşları tərəfindən baxış keçirilib. Araşdırma zamanı kanalizasiya xəttində müvafiq hissənin dəyişdirilməsinə ehtiyac olduğu müəyyən edilin. Təxminən kanalizasiya xəttinin 15 metrlik hissəsi yenilənəcək”.
Könül Cəfərli