Xaçmazda dənizdə batan 23 yaşlı gəncin meyiti tapılıb - YENİLƏNİB
Xaçmazda dənizdə batan 23 yaşlı gəncin meyiti tapılıb - YENİLƏNİB
Xaçmazda dənizdə batan şəxsin meyiti tapılıb.
“Report” xəbər verir ki, Niyazoba kəndində dənizdə batan 1999-cu il təvəllüdlü Aydəmirov Famil Habil oğlunun meyiti rayon ərazisindəki çimərlikdən tapılıb.
F.Aydəmirovun meyiti müayinə olunması üçün Məhkəmə Tibbi Ekspertiza və Patoloji Anatomiya Birliyinin Xaçmaz rayon şöbəsinə təhvil verilib.
Hadisənin səbəbi araşdırılır.
19:34
Xaçmazda 23 yaşlı gənc dənizdə batıb.
Bu barədə Fövqəladə Hallar Nazirliyi məlumat yayıb.
Belə ki, FHN-in Böhran Vəziyyətlərində İdarəetmə Mərkəzinə Xaçmaz rayonunun Niyazoba kəndində, dənizdə (ən yaxın sularda xilasetmə məntəqəsindən təqribən 3 km aralı, nəzarətsiz ərazi) 1999-cu il təvəllüdlü Aydəmirov Famil Habil oğlunun batması barədə məlumat daxil olub. FHN-nin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupu axtarışlara cəlb olunub.
Əlavə məlumat veriləcək.