Qarabağda müasir SPA mərkəzləri yaradılacaq

“Qarabağda yeni termal şəhərlərin, müasir dillə desək, müasir SPA mərkəzlərinin yaradılması əsas hədəflərimizdəndir”.

“Report” xəbər verir ki, bunu Naftalanda keçirilən “Naftalan - Sağlamlıq və Turizmin Sinerji Mənbəyi: Regionda Yeni Reallıqlar” beynəlxalq elmi-praktik konfransında Dövlət Turizm Agentliyinin şöbə müdiri Elgün Cavadov deyib.

“Bu baxımdan Naftalandakı sağlamlıq turizmi bizim üçün böyük təcrübədir. Agentlik olaraq əsas hədəfimiz həm də Naftalan neftindən istifadənin daha da inkişaf etdirilməsi, buradakı xidmətlərin keyfiyyətinin artırılması və çeşidləndirilməsidir”, - deyə o qeyd edib.