Gələn həftədən bağçalara isti yemək veriləcək - VİDEO

“Gələn həftədən ölkə üzrə 50-yə yaxın bağçanın isti yemək təminatına başlayacaq”.

Oxu.Az-ın məlumatına görə, bunu elm və təhsil naziri Emin Əmrullayev brifinqdə deyib.

Onun sözlərinə görə, bağçalarda uşaqların qidalanmasına dair standartların ilkin versiyası hazırlanıb:

“Hazırda bağçalarda uşaqların qidalanması 1994-cü ilin normativi ilə işləyir. İndiki normativdə qida qramla qeyd edilib. Oradakı siyahıda ərzaqların bir çoxu bazarda yoxdur”.

“Bizim yanaşmamız qida növləri ilə deyil, kalori, yaşa uyğun normalarla tənzimlənmədir”, - deyə nazir əlavə edib.

İlhamə Əbülfət