Rusiya sülhməramlılarının müvəqqəti nəzarətində olan ərazilərimizlə bağlı nazirlikdən AÇIQLAMA

Rusiya sülhməramlılarının müvəqqəti nəzarətində olan ərazilərdə faydalı qazıntı yataqları, xüsusilə Qızılbulaq qızıl və Dəmirli mis-molibden yataqlarının qanunsuz istismarına etiraz olaraq ekofəallar və QHT təmsilçilərinin Şuşa-Xankəndi yolunda keçirdiyi aksiyaya Mədəniyyət Nazirliyi də reaksiya verib.

“Mədəniyyət Nazirliyi olaraq Mədəni İrsin Qorunması, İnkişafı və Bərpası üzrə Dövlət Xidmətinin əməkdaşları və mütəxəssisləri ilə birgə işğaldan azad edilmiş bütün ərazilərdə, o cümlədən Rusiya sülhməramlı kontingentinin müvəqqəti nəzarətində olan məntəqələrdə yerləşən tarixi abidələrin monitorinqini keçirməyə hazırıq”, - məlumatda deyilir.