Sabah Bakıda 14 dərəcə isti olacaq
Sabah Bakıda 14 dərəcə isti olacaq
Mülayim cənub küləyi əsəcək.
Aprelin 14-də Bakı və Abşeron yarımadasında hava şəraitinin dəyişkən buludlu olacağı, arabir yağış yağacağı, gün ərzində əsasən yağmursuz keçəcəyi gözlənilir.
Oxu.Az Ekologiya və Təbii Sərvətlər Nazirliyinin Milli Hidrometeorologiya Departamentinin məumatına istinadla xəbər verir ki, mülayim cənub küləyi əsəcək.
Havanın temperaturu gecə 4-6, gündüz 10-14 dərəcə isti olacaq.
Azərbaycanın rayonlarında isə arabir yağış, dağlıq və dağətəyi rayonlarda isə sulu qar və qar yağacağı gözlənilir. Gündüz əksər rayonlarda əsasən, yağmursuz olacaq. Ayrı-ayrı yerlərdə duman olacaq, qərb küləyi əsəcək, dağlıq ərazilərdə arabir güclənəcək.
Havanın temperaturu gecə 2-7, gündüz 12-17 dərəcə isti, dağlarda gecə 3 dərəcə şaxtadan 2 dərəcəyə qədər isti, gündüz 6-11 isti olacaq.