Salyanda yol qəzasında ölənlərin sayı 4-ə çatıb, 2 nəfər yaralanıb - YENİLƏNİB + FOTO/VİDEO
Salyanda yol qəzasında ölənlərin sayı 4-ə çatıb, 2 nəfər yaralanıb - YENİLƏNİB + FOTO/VİDEO
Bakı-Salyan yolundakı qəzada ölənlərin sayı 4 nəfərə çatıb, 2 nəfər yaralanıb.
“Report”un məlumatına görə, hadisə nəticəsində 2020-ci il təvəllüdlü Bayxan Bağırov çatdırıldığı xəstəxanada dünyasını dəyişib.
18:43
Bakı-Salyan yolunda baş verən ağır yol-nəqliyyat hadisəsi ilə əlaqədar TƏBİB-in tabeliyindəki Salyan Rayon Mərkəzi Xəstəxanasının təcili tibbi yardım briqadaları əraziyə cəlb edilib.
Bu barədə Oxu.Az-ın sorğusuna cavab olaraq TƏBİB-dən məlumat verilib.
Bildirilib ki, hadisə nəticəsində xəsarət alan 3 nəfər tibb müəssisəsinə yerləşdirilib. Hazırda Reanimasiya şöbəsində 2 nəfərin (vəziyyətləri ağır qiymətləndirilir), Təcili tibbi yardım şöbəsində 1 nəfərin (vəziyyəti orta ağır qiymətləndirilir) müalicəsi davam etdirilir.
18:10
Bakı-Salyan yolundakı qəzada xəsarət alanların kimliyi məlum olub.
“Report”un Aran bürosunun məlumatına görə, bunlar Neftçala rayon sakinləri - 1966-cı il təvəllüdlü Hüseynov Elxan Ramil oğlu, 2020-ci il təvəllüdlü Bağırov Bayxan Bayram oğlu və 1960-cı il təvəllüdlü Muradov Mirsəkinə Mirqiyam oğlu, 1970-ci il təvəllüdlü Bağırova Dilarə Ramil qızı, 1960-cı il təvəllüdlü Mikayılova Mirsəkinə Mirqiyas qızı və 1975-ci il təvəllüdlü Hüseynova Elnurə Adil qızıdır.
16:49
Bakı-Salyan yolunda ölümlə nəticələnən ağır yol-nəqliyyat hadisəsi baş verib.
Oxu.Az-ın məlumatına görə, hadisə magistral yolun 29-cu kilometrliyində qeydə alınıb.
İlkin məlumata görə, hadisə zamanı ölən və xəsarət alanlar var.
Hadisə barədə Oxu.Az-a açıqlama verən Baş Dövlət Yol Polisi İdarəsinin şöbə rəisi Rövşən Tağıyev deyib ki, hadisə nəticəsində üç nəfər ölüb:
“İlkin məlumata görə, “Hyundai Accent” markalı 99-TN-320 dövlət nömrə nişanlı avtomobil xarab olaraq yolun kənarında dayanıb. Eyni istiqamətdə hərəkətdə olan “KamAZ” markalı 42-BM-084 dövlət nömrə nişanlı avtomobil ona çırpılıb. Hadisə nəticəsində “Hyundai Accent” avtomobilində olan üç nəfər qadın sərnişin həlak olub. Sürücü və beş yaşlı uşaq isə xəsarət alıb”.
Könül Cəfərli