Naxçıvanda yeni teatr fəaliyyətə başlayacaq

Naxçıvan Muxtar Respublikasında yeni “Altai” teatrı fəaliyyətə başlayacaq

Naxçıvan Mədəniyyət Nazirliyinin Mətbuat Xidmətindən ”Report”un yerli bürosuna verilən məlumata görə, zəngin teatr ənənələrinə malik muxtar respublikada yeni teatr yaratmaq təşəbbüsü Azərbaycan Respublikasının Əməkdar artisti, Naxçıvan Dövlət Uşaq Teatrının quruluşçu rejissoru Nurbəniz Niftəliyeva tərəfindən irəli sürülüb.

İlk dəfə olaraq gənc yazar və aktyor Rza Zeynalovun “Xəyanət” əsəri ilə tamaşaçıların görüşünə gələn teatrın yaradıcı heyəti hazırda hazırlıq məşqlərini davam etdirir.

Tamaşanın quruluşçu rəssamı Azərbaycanın Əməkdar artisti Behruz Haxverdiyev, musiqi tərtibatı Cabir Əsədov, rejissor assistenti Ayhan Hacıyev, teatrın meneceri Gülay Ağazadədir.

Səhnə əsərinin beş may tarixdə nümayişi nəzərdə tutulub.