“Çelsi” Azarı “Real”a satmaqdan imtina edib
“Çelsi” Azarı “Real”a satmaqdan imtina edib
“Çelsi” yarımmüdafiəçi Eden Azarı Madrid “Real”ına satmaqdan imtina edib.
Oxu.Az Daily Mirror-a istinadən xəbər verir ki, 2018-ci il dünya çempionatında Belçika milli komandasının bürünc mükafatçısı olan futbolçuya “Real” 170 milyon funt (190 milyon avro) təklif edib.
Ancaq “Real”ın şərtləri rədd edilib. Belə ki, yeni baş məşqçi Mauritsio Sarri oyunçunu satmaq istəməyib.
“Azar Avropanın ən yaxşı futbolçularından biridir. Ümid edirəm ki, onu daha da yaxşı edə biləcəyəm, ancaq bu bir az çətin olacaq. O artıq böyük uğurlar qazanıb” -, deyə Sarri qeyd edib.
Qeyd olunur ki, “Çelsi” ona yenidən daha yaxşı şərtlərlə müqavilə təqdim etmək niyyətindədir. Bu müqavilədə məbləğ artırılaraq 300 min funt (335 min avro) olacaq.
Xatırladaq ki, 27 yaşlı Eden Azar 2012-ci ildən “Çelsi”də oynayır.