Makqreqor Nurmaqomedovu təhqir etdi

Qarışıq döyüş növləri üzrə irlandiyalı döyüşçü Konor Makqreqor rusiyalı idmançı Həbib Nurmaqomedovu təhqir edib. 

Oxu.Az xəbər verir ki, Makqreqor Nurmaqomedovdan oyuncaq müqəvva düzəldəcəyini bildirib.

“Bir müddət döyüşlərdən doymuşdum. Lakin indi qayıtdım. Yenidən acam və peşəkara layiq olanları etməyə hazıram. Həbibdən oyuncaq müqəvva düzəldəcəyəm. Bəli, bu döyüşdə biraz şəxsi münasibətlər var, lakin digər tərəfdən istənilən döyüşə eyni yanaşıram”, - deyə o vurğulayıb.

O bildirib ki, hər dəfə qarşısında yalnız döyülməli olan boş sifət və bədən görür. 
“Artıq Həbibin başının zərbələrimdən necə tərpəndiyini görürəm və başında beyinin necə silkələndiyini eşidirəm”. 

Qeyd edək ki, döyüş oktyabrın 6-da Las Veqasda keçiriləcək.

www.oxu.az