Azərbaycandakı “Formula-1”i izləyənlərin sayı açıqlandı

Ötən il 83 milyon insan Bakıda keçirilmiş “Formula-1” Azərbaycan Qran-Prisini izləyib.

Oxu.Az xəbər verir ki, bunu Bakı Şəhər Halqasının Kommersiya Şöbəsinin rəhbəri Bülənt Özərdim deyib.

“Builki yarış üçün bilet satışı artıb. Xaricdən bilet satışı çoxalıb. Əsas məqsədimiz də məhz ölkəni daha çox xaricdə tanıtmaqdır. Bu il xaricdən bilet satışı 10 faiz çoxalıb.

Britaniya, Avstraliya, Hollandiyadan bilet alanların sayı artıb. Növbəti il üçün daha da çox bilet satışının həyata keçəcəyindən əminik”, - deyə o bildirib.

Xatırladaq ki, “Formula-1 Azərbaycan Qran Prisi” 26-28 apreldə keçiriləcək.

Səbuhi MUSAYEV