“Vanda Metropolitano” stadionu ətrafında böyük tıxac - FOTO/VİDEO

Çempionlar Liqasının final oyununun keçiriləcəyi “Vanda Metropolitano” stadionu ətrafında böyük tıxac yaranıb.

Oxu.Az xəbər verir ki, hazırda Madriddə müşahidə olunan mənzərənin görüntüləri sosial şəbəkələrdə yayılıb.

Oyuna gedən azarkeşlər 2-3 saat tıxacda qalmalı olurlar.

Qeyd edək ki, mayın 29-da Bakıda Avropa Liqasının final matçı zamanı belə problem yaranmayıb. Bunu xarici qonaqlar da qeyd ediblər. Onlar xüsusi vurğulayıblar ki, təşkilatçılıq yüksək səviyyədə olub.  

Oyundan öncə “Vanda Metropolitano” stadionu qarşısında zibillik də yaranıb. 

Xatırladaq ki, bu gün Madriddə Çempionlar Liqasının kuboku uğrunda İngiltərənin “Liverpul” və “Tottenhem” klubları mübarizə aparacaqlar.