Bakı-2019: Azərbaycanın qızıl medallarının sayı səkkizə çatdı

Avropa Gənclər Olimpiya Festivalında (EYOF) Azərbaycan daha bir qızıl medal qazanıb.

Oxu.Az xəbər verir ki, sərbəst güləşdə Cəbrayıl Hacıyev (-65 kq) finalda rusiyalı Batırbəy Tskovrebova əzmkarlığı hesabına qalib gəlib.

İdmançımız 6:5 hesablı qələbə qazanaraq Azərbaycana səkkizinci medalı qazandırıb.

Qeyd edək ki, bununla da güləş yarışlarına yekun vurulub. Azərbaycan güləşdə 18 idmançı ilə təmsil olunub və bunlardan 16-sı medal qazanıb.

Hazırda Azərbaycanın səkkiz qızıl, beş gümüş və üç bürünc medalı var.

Komandamız medal sıralamasında aşkar fərqlə liderdir.

Səbuhi Musayev