Rəqibini təbrik, yoxsa həmkarına kömək edənlər - “Fair Play”i kim qazanacaq?
Rəqibini təbrik, yoxsa həmkarına kömək edənlər - “Fair Play”i kim qazanacaq?
Beynəlxalq Atletika Federasiyaları Assosiasiyası (IAAF) Qətərin paytaxtı Dohada başa çatmış dünya çempionatında “Fair Play” mükafatına namizədlərin adları açıqlanıb.
Oxu.Az xəbər verir ki, bunun üçün dünya çempionatından dörd hadisə paylaşılıb.
Atletika azarkeşləri oktyabrın 13-dək ən yaxşı “Fair Play” hərəkətinə səs verəcək. Daha sonra bu səsverməyə Beynəlxalq Feyr Pley Komitəsinin üzvləri və IAAF-ın formalaşdırdığı münsiflər heyətinin səsləri də əlavə olunacaq. Nəticədə üç finalçı müəyyənləşəcək. Qalib isə noyabrın 23-də Monakoda açıqlanacaq.
1. Arman Dyuplantis (İsveç), Pyotr Lisek (Polşa) və Sem Kendriks (ABŞ)
Şüvüllə tullanma yarışlarında amerikan Sendriks çempion olsa da, ABŞ doğumlu İsveç təmsilçisi Arman Dyuplantisin medal qazanması münasibətilə onu təbrik edir. Daha sonra onlara bürünc medalçı Pyotr Lisek qoşulur. Hətta hər üçü birlikdə döşək üzərində arxaya salto vururlar.
#WorldAthleticsChamps Fair Play Award nominee:@mondohoss600, @samkendricks and @LisekPiotr for their heartwarming camaraderie🤝
— IAAF (@iaaforg) October 7, 2019
Retweet to vote for Sam, Armand and Piotr, competition closes Sunday 13th of October. pic.twitter.com/l63QWZoKYo
2. Sendi Moris (ABŞ)
Yenə şüvüllə tullanmada “Fair Play” hərəkəti var. Bu dəfə qadınların yarışında. Gümüş medal qazanan ABŞ idmançısı Sendi Moris iki ölkə arasında siyasi münasibətlərin gərgin olmasına baxmayaraq, qızıl medal qazanan rusiyalı Anjelika Sidorovanı qucaqlayaraq ürəkdən təbrik edir. Sanki özü qızıl medal qazanırmış kimi...
#WorldAthleticsChamps Fair Play Award nominee: @sandicheekspv, despite losing out on pole vault gold the first thing she did was congratulate winner Anzhelika Sidorova🤝
— IAAF (@iaaforg) October 7, 2019
Retweet to vote for Sandi, competition closes Sunday 13th of October. pic.twitter.com/hsK8thgZdY
3. Dayna Eşer-Smit (Böyük Britaniya)
200 metr məsafəyə qaçışda dünya çempionu, 100 metr məsafəyə yarışda dünya ikincisi olan xanım sprinter öz hərəkəti ilə alqışları qazanıb. O, 100 metr məsafəyə yarımfinal görüşünün ortasında dizaltı vətərindən zədələnmiş amerikalı Olimpiya çempionu İnqliş Qardnerə köməyə gəlir. Onunla bərabər Nigeriya doğumlu ABŞ təmsilçisi Morolake Akinosun da həmkarına kömək edir. Nəticədə zədələnmiş idmançı qaçış trekini əlil arabasında tərk etməli olur.
#WorldAthleticsChamps Fair Play Award nominee:@dinaashersmith for her support of her competitors post race🤝
— IAAF (@iaaforg) October 7, 2019
Retweet to vote for @dinaashersmith, competition closes Sunday 13th of October. pic.twitter.com/KbwspWmk88
4. Brayma Sunkar Dabo (Qvineya-Bisau)
Qvineya-Bisaunu təmsil edən atlet Brayma Sunkar Dabo Qətərin paytaxtı Dohada keçirilən dünya çempionatının 5000 metr məsafəyə qaçışın təsnifat yarışında Arubanın nümayəndəsi Conatan Basbiyə finişə çatmağa kömək edib. Basbi Qətərdə hava isti olduğu üçün halı pisləşib və nəticədə həmkarının köməyilə son nöqtəyə çatıb.
#WorldAthleticsChamps Fair Play Award nominee:
— IAAF (@iaaforg) October 7, 2019
Braima Suncar Dabó for his incredible display of sportsmanship towards Jonathan Busby🤝
Retweet to vote for Braima, competition closes Sunday 13th of October. pic.twitter.com/R7P3973WPh
Qeyd edək ki, bu yarışda Azərbaycanı dörd idmançı təmsil edib. Heç bir idmançımıza medal qazanmaq qismət olmayıb.
Səbuhi Musayev