Həbib Nurməhəmmədov son qələbəsindən sonra mühafizəsini gücləndirib

Əbu-Dabidə Dastin Porye üzərindəki qələbəsindən sonra Həbib Nurməhəmmədov mühafizəsini gücləndirib.

“Sport24” xəbər verir ki, bunu döyüşçünün atası bildirib.

Əbdülmanaf Nurməhəmmədovun sözlərinə görə, Həbib hətta bazarda alma seçməkdən də özünü məhrum edib.

“Məşhurluq elə bir amildir ki, sən artıq özünü istədiyin kimi apara bilməzsən, azərkeşlərinin istədiyi kimi aparmağa məcbursan”, - deyə Nurməhəmmədovlar ailəsinin başçısı bildirib.

Qeyd edək ki, Həbib Nurməhəmmədovun mühafizəçiləri idmançılar, qohumları və iş təcrübəsi olan təhlükəsizlik xidmətinin əməkdaşlarıdır.