Millimiz Millətlər Liqasında Ermənistanla bir səbətdə yer alacaq
Millimiz Millətlər Liqasında Ermənistanla bir səbətdə yer alacaq
UEFA İcraiyyə Komitəsinin Nyon şəhərində keçirilmiş iclasında qəbul olunmuş qərarlardan biri də UEFA Millətlər Liqasının 2020/21-ci il mövsümü ilə əlaqədar olub.
Oxu.Az xəbər verir ki, Azərbaycan milli komandası növbəti UEFA Millətlər Liqasında C Liqasında mübarizə aparacaq.
Millimiz C liqasının reytinqə görə ən zəiflərin yer aldığı dördüncü səbətində yer alıb. Bu səbətdə digər komandalar Qazaxıstan, Moldova və Ermənistan yığmalarıdır.
C liqasında yığmamızın potensial rəqibləri isə bu komandalardır:
Birinci səbət: Yunanıstan, Albaniya, Monteneqro, Gürcüstan
İkinci səbət: Şimali Makedoniya, Kosovo, Belarus, Kipr
Üçüncü səbət: Estoniya, Sloveniya, Litva, Lüksemburq
Qeyd edək ki, UEFA Millətlər Liqasının püşkatma mərasimi 2020-ci il martın 3-də Niderlandın paytaxtı Amsterdamda keçiriləcək.
Səbuhi Musayev