İspaniyanın futbol klubu intim videoya görə məşqçini qovdu

İspaniyanın “Malaqa” futbol klubu baş məşqçi Viktor Sançesi işdən kənarlaşdırıb.

TASS xəbər verir ki, buna səbəb məşqçinin sosial şəbəkələrdə yayılmış intim xarakterli videosu olub.

Videoda Sançes cinsiyyət orqanını nümayiş etdirir. Məşqçinin sözlərinə görə, video onun messencerindən oğurlanıb və o bunula bağlı polisə müraciət edib.  

“Mən şəxsi həyata qarşı yönəlmiş cinayətin qurbanı oldum. Xatırladım ki, belə videonun paylaşılması da cinayət hesab olunur”, - deyə Sançes gileylənib.

Qeyd edək ki, “Malaqa” istintaq qurtarana qədər məşqçini işindən uzaqlaşdırıb.