Azərbaycan idmançıları üçün karton yataqlar - VİDEO

Yaponiya hökuməti bu yay Tokioda keçiriləcək Yay Olimpiya Oyunlarında iştirak edəcək idmançılar və onların məşqçiləri üçün xüsusi yataqları mediaya nümayiş etdirib.

Oxu.Az xəbər verir ki, bu yataqların özəlliyi kartondan hazırlanmasıdır.

Yataqlar 18 min nəfərin qalacağı Olimpiya şəhərcəyindəki otaqlarda yerləşdirilıib. Yataqların ayaq və künc hissəsi kartondandır və qatlana bilir. Bundan başqa, polietilen maddələrdən də istifadə olunub.

Qeyd edək ki, Yay Olimpiya Oyunlarının açılışı iyulun 24-də olacaq. Yarışda Azərbaycan idmançıları da iştirak edəcək.