21 
Fev
2020
14:58
7
71
2512
Virtual karabakh

Azərbaycan çempionatında insident: Matç yarımçıq dayandırıldı

Futzal üzrə Yüksək Liqanın bir oyunu yarımçıq saxlanılıb.

Oxu.Az xəbər verir ki, XV turun mərkəzi oyununda “Marafon” - “Araz” görüşü qalmaqalla başa çatıb.

25-ci dəqiqədə “Marafon” azlıqda qalıb. Bundan istifadə edən millimizin və “Araz”ın futzalçısı İsa Atayev hesabı açıb.

Lakin “Marafon”un baş məşqçisi Elşad Quliyevin texniki zona qaydalarını pozduğuna görə meydandan kənarlaşdırılması odun üstünə barıt töküb və məhz bu amil görüşün yarımçıq dayandırılmasına səbəb olub.

Belə ki, oyunun 26:09-cu dəqiqəsində referilər “Marafon” komandasının hakimin qərarına etiraz edib, meydanı tərk etdiyini əsas gətirərək görüşü dayandırıb. 

Sonrakı dəqiqədə “Marafon” oyunu davam etdirmək istəsə də, “Araz” komandası hakimlərin matçı bitirdiyini bildirərək, meydana geri dönməkdən imtina edib. Məsələ ilə bağlı gələn həftə AFFA İntizam Komitəsi qərar verəcək.

Bizimlə əlaqə saxlayın

Digər İdman xəbərləri