11 
Avq
2020
13:10
121
22
2177
Virtual karabakh

Boççia millimiz Zaqatalada məşqlərə başladı - FOTO

Boççia idman növü üzrə Azərbaycan millisinin idmançıları təlim-məşq toplantısında iştirak edirlər.

Oxu.Az xəbər verir ki, millinin üzvləri ölkəmizdə yayılan koronavirus (COVID-19) pandemiyası ilə bağlı bir neçə ay ev şəraitində məşqlərini davam etdiriblər.

Artıq onlar Zaqatalada hazırlıqlara başlayıblar.

İdmançıların fiziki hazırlıqlarını artırmaq məqsədilə 10-19 avqust tarixlərində boççia millisi 18 nəfərlik heyətlə Zaqatala Olimpiya İdman Kompleksində açıq hava şəraitində təlim-məşq toplanışında iştirak edir.

Təlim-məşq toplanışı Gənclər və İdman Nazirliyi, Əmək və Əhalinin Sosial Müdafiəsi Nazirliyi və Milli Paralimpiya Komitəsinin dəstəyi ilə keçirilir.

Qeyd edək ki, təlim-məşq toplanışı zamanı komanda üzvləri sosial məsafə və digər karantin qaydalarına məsuliyyətlə riayət edir.

Boççia yüngül topla oynanılan, İtaliyanın boççe idman növü əsasında yaradılmış paralimpiya idman növüdür.

Bizimlə əlaqə saxlayın

Digər İdman xəbərləri