Qırtımov cəzalandırıldı

Azərbaycanda hakimləri təhqir edən futbolçu və məşqçi cəzalandırılıb. 

AFFA İntizam Komitəsinin keçirilən iclasında Azərbaycan Premyer Liqasının XI turunun “Keşlə” – “Sabah” matçında hakimlər briqadasını təhqir edən İlkin Qırtımovun cəzası açıqlanıb. “Keşlə”nin müdafiəçisi dörd oyun cəzalanıb, klub 3200 manat cərimə olunub.

I divizionda isə “Kəpəz”in baş məşqçisi Yaşar Vahabzadə diskvalifikasiya olunub. VII turun “Kəpəz” – “Turan Tovuz” oyununda Gəncə komandasının baş məşqçisi hakimi təhqir etdiyi üçün beş oyunluq cəzalandırılıb. “Kəpəz” baş məşqçisinə görə 400 manat da cərimə ödəyəcək.