Runi İngiltərə klubunun baş məşqçisi oldu

“Derbi Kaunti”nin hücumçusu və son iki ayda komandaya müvəqqəti rəhbərlik edən Ueyn Runi klubun baş məşqçisi təyin edilib.

“Championat” xəbər verir ki, bu barədə İngiltərə klubunun rəsmi saytında məlumat verilib.

Məlumatda qeyd olunur ki, U.Runi ilə 2023-cü ilin yayına qədər müqavilə imzalanıb.

Xatırladaq ki, 35 yaşlı U.Runi keçən ilin noyabr ayında klub tərəfindən vəzifəsindən kənarlaşdırılan baş məşqçi Filip Kokununun vəzifəsini müvəqqəti icra edirdi.