UEFA prezidenti “Real” - “Çelsi” matçının ləğv edilmə ehtimalını qiymətləndirdi

UEFA-nın prezidenti Aleksander Çeferin Çempionlar Liqasının yarımfinalında qarşılaşmalı olan “Real” (Madrid) - “Çelsi” klublarının oyununun ləğv ediləcəyi barədə dolaşan müzakirələrə münasibət bildirib.

Bu barədə “Marca” agentliyi məlumat yayıb.

UEFA-nın prezidenti qeyd edib ki, burada əsas amil mövsümün başlamasıdır.

“Yayım edən şirkətlər yarımfinal oynanılmadığı təqdirdə ziyanı ödəməyimizi xahiş edə bilərlər. Bununla əlaqədar olaraq “Real” - “Çelsi” qarşılaşmasının gələn həftə baş tutmasına dair kiçik də olsa, ehtimal var. Ancaq gələcəkdə durum bir qədər fərqli ola bilər”, - deyə UEFA-nın prezidenti vurğulayıb.

Xatırladaq ki, hər iki klub Avropa Superliqasında iştirak etmək barədə qərar qəbul etdikdən sonra hazırda iştirak etdikləri avrokubok yarışından kənarlaşdırmaqla təhdid olunmuşdular.