AVRO-2020 hakimlərinin yerləşmə və hazırlıq mərkəzi İstanbulda olacaq

UEFA builki Avropa Çempionatında iştirak edəcək hakimlərin yerləşmə və hazırlıq mərkəzinin İstanbulda olacağı barədə qərar qəbul edib.

“Haber Global”ın məlumatına görə, 11 iyun – 11 iyul aralığında keçiriləcək çempionatın hakimləri bu müddət ərzində Türkiyə şəhərindəki xüsusi mərkəzdə qalacaq və matçlara hazırlıqlarını da burada edəcəklər.  

Türkiyə Futbol Federasiyasından verilən açıqlamaya əsasən, hakimlər heyəti iyunun 7-də İstanbula gələcək və bir ay boyunca şəhərdə qalacaqlar.