Gimnastlarımız Avropa çempionatında növbəti medallarını qazandılar - FOTO

Rusiyanın Soçi şəhərində keçirilən batut gimnastikası, ikili mini-batut və tamblinq üzrə Avropa Çempionatında Azərbaycan yığması ikinci medalını qazanıb.

“Report” xəbər verir ki, gənclərin mübarizəsinə qatılan Hüseyn Abbasov və Maqsud Mahsudovdan ibarət sinxron cütlük gümüş medala sahib olub.

Daha əvvəl tamblinq üzrə gənclər arasında komanda yarışında Hüseyn Əsədullayev, Bilal Qurbanov, Adil Hacızadə və Tofiq Əliyevdən ibarət heyət bürünc medala layiq görülüb.